A Casa de Galicia en Madrid acollerá a conferencia Crear porvir. 75 anos de Editorial Galaxia, que será impartida por Xesús Domínguez Dono, director de Produción e Servizos Editoriais da editorial galega.

O encontro abordará o labor da Editorial Galaxia ao longo das súas sete décadas e media de traxectoria, así como o seu papel fundamental na conservación, difusión e normalización da lingua e da cultura galegas. Fundada en 1950 por figuras destacadas das letras galegas, Galaxia converteuse nun referente esencial da edición en Galicia e nun motor de pensamento e creación colectiva.